Tilraunavefurinn
fimmtudagur, maí 23
  SDG
Nýja forsætisráðherrann þekki ég ekki. Ég man eftir honum fyrst, eins og sjálfsagt flestir Íslendingar, þegar hann var fréttamaður í Sjónvarpinu. Í fyrsta sinn sem ég heyrði talað um hann var ég staddur í skoðunarferð um Íslendingaslóðir í Kaupmannahöfn. Þetta var fyrir tólf árum síðan, sumarið 2001. Fararstjórinn var að sýna okkur sem vorum þarna í hópi og höfðum keypt af honum leiðsögn, Gamla Garð, heimili stúdenta við Kaupmannahafnarháskóla. Þessi heimavist er í miðborginni, á besta stað í bænum, og því hefur það verið þannig í lengri tíma að mikil ásókn er í að búa þar af stúdentum við skólann. Og fararstjórinn sagði að þarna byggju því aðeins bestu nemendur skólans. Aðrir ættu ekki séns að komast þarna að. Þess vegna, sagði hann, að þar hefði ekki búið Íslendingur í marga tugi ára. Og svo bætti hann því við að þessa sögu hafði hann sagt snemma um vorið og þá hefði ungur maður í hópnum gefið sér merki og sagt djúpri röddu: „Ég bý hér". Það var sem sagt Sigmundur Davíð. Ég man þetta svo vel vegna þess að ég gat tengt þessa sögu við andlitið á skjánum. Því þetta sumar starfaði Sigmundur sem fréttamaður og það vissi fararstjórinn og gat sagt okkur af því. Ég spilaði svo og söng í brúðkaupsveislu Sigmunduar og eiginkonu hans. Það var í Iðnó í hitteðfyrra. Þar heyrði ég bróðurpartinn af bráðskemmtilegri ræðu Loga Bergmanns um brúðgumann. Sumt man ég nú af því sem hann sagði, en ætla ekki að deila því lesendum þessa bloggs. Ég vona innilega að Sigmundi Davíð gangi vel að stýra Ríkisstjórn Íslands til góðra verka.
 
miðvikudagur, maí 22
  Nýr menntamálaráðherra: Gangi þér vel
Ég óska Illuga Gunnarssyni velfarnaðar í nýju stafi. Þið megið bera honum kveðju mína, þið sem þekkið hann. Segið honum að grunnskólakennari sem þið þekkið hafi verið virkilega ánægður með forvera hans í embættinu og að honum þætti skynsamlegt af honum að umgangast fagfólkið úti í skólanum af sömu virðingu og það fann frá Katrínu. Hún var áhugasöm í starfi, gaf sér tóm til að kynnast starfinu okkar, þeim lögum og reglum sem heyra undir málaflokkinn og hún lagði sig fram um að vita um hvað hún var að tala þegar hún hitti okkur á fundum. Það verður ekki auðvelt fyrir Illuga að fara í fötin hennar Katrínar.

 Ég er ekki svo rosalega mikill kommúnisti að ég sjái bara þegar „mitt fólk" stendur sig vel en ekki þegar hinir gera það. Sjálfstæðismenn geta vel staðið sig vel í embætti Menntamálaráðherra. Þorgerður Katrín stóð sig prýðilega þegar hún var menntamálaráðherra. Alla vega hvað það varðar að hún setti sig inn í málin og gat rætt við okkur sem unnum á akrinum þannig að við skildum hana og hún skildi okkur. Ég man eftir Illuga þegar hann var stúdent í hlutverki leiðbeinanda í Grunnskólanum á Flateyri. Hann hefur í það minnsta þá reynslu af því að starfa við menntamál. Hann hefur verið félagsmaður í KÍ.

Illuga þekki ég ekki. Ég kannast bara við konuna hans frá því við vorum krakkar fyrir vestan. Hún er reglulega almennileg. Ég man að Illugi kom einu sinni til að hjálpa okkur krökkunum í ræðuliði Menntaskólans á Ísafirði rétt fyrir viðureign okkar við Flensborg í Morfís. Þá voru í liði okkar ásamt mér, Jón Yngvi og Margrét og Hannes Már var liðsstjóri okkar. Kunningi okkar að vestan, Víkingur Kristjáns, (nú leikari) var í liði Flensborgar. Ég rúllaði upp fyrri umferðinni, kannski vegna heilræða Illuga, en mér tókst ekki vel upp í síðari umferðinni og við töpuðum í mælsku- og rökræðukeppninni ofurhallærislegu (Ætli sé enn verið að keppa í Morfís?) og Víkingur var ræðumaður kvöldsins.
 
miðvikudagur, maí 1
  Hvað merkir það vera Framsóknarmaður?
Sveitungi minn, Pálmi Gestsson, sagðist einhverntíma, í viðtali við eitthvert blaðið eða útvarpið, ekki vita hvað það merkti að vera Framsóknarmaður. Hann sagðist þekkja hugmyndafræðina sem VG, SF og Sjallarnir byggja flokksstarfið á en ekki hugmyndarfræði Framsóknar. Ég hef oft hugsað um þetta síðan. Um daginn spurði ég svo Framsóknarmann hvað það merkti að vera Framsóknarmaður og hann svaraði því til að Framsóknarmenn horfðu ekki aðeins á einn punkt heldur reyndu þeir í öllum málum að sjá alla myndina. Ég skil ekki hvað hann átti við og er engu nær, ekki frekar en Pálmi. Fyrir nokkrum árum hélt ég að Framsóknarflokkurinn væri við það að leggjast af. M.a. vegna þess að hann vantaði grunn til að byggja starfið á. En líka vegna heimsku minnar. Þá þekkti ég ekki aðra Íslendinga en Djúpfólk og Skagamenn. En nú hef ég búið í Uppsveitum Árnessýslu og á Akureyri og veit að Framsóknarflokkurinn á sér fjöldann allan af stuðningsfólki sem aldrei mun styðja annað stjórnmálaafl. Margt af þessu fólki er ágætisfólk. Nú er Framsóknarflokkurinn kominn í stöðu til að hafa áhrif á íslenskt samfélag. Vonandi tekst honum vel upp. Síðasta valdaskeið hans var hrikalegt. Litað af spillingu og vörslu hagsmuna sem ekkert hafði með velferð Íslendinga að gera. Mér er í fersku minni sala bankanna og framganga einstakra Framsóknarmanna í sveitarstjórnarpólitíkinni í höfuðstaðnum. Spilling á spillingu ofan. En nú er komið annað fólk. Það er von um berti tíð. Ég tel Sjálfstæðisflokkinn vera helstu ógn Íslendinga. Hugmyndafræði frjálshyggjunnar aðhyllast margir. Það get ég vel skilið. Það er eðlilegt að fólk sé ólíkt og ekki hugsi allir eins og ég sjálfur. Það er ekki rangt að hafa þá hugsjón að einstaklingurinn eigi að njóta frelsis til athafna og að skattar á fyrirtæki og einstaklinga eigi að vera lágir. Það er vel skiljanlegt. Sjálfur er ég reyndar annarrar skoðunar. Það hlýtur líka að vera í lagi. Þegar þetta fólk sameinast undir merkjum fálkans er hætta á ferð. Flokkurinn er drifinn áfram af drottnunarást, frekju, hroka og græðgi. Hugmyndafræðinni er kastað út um gluggann í eltingarleiknum við að verja valdið og hagsmuni hins gjörspillta og ógeðfellda íslenska klíkusamfélags. Að nokkur maður geti staðið uppréttur á bak við þessa starfsemi! Ég hef enga trú á að Sjálfstæðisflokkurinn geti gert alþýðunni sem byggir Ísland nokkurt gagn. En hvað með Framsóknarflokkinn? Er hann hættulegur? Kannski er hann hættulegri en Sjálfstæðisflokkurinn. Ég veit það ekki. Það er óljóst fyrir hvað hann stendur. Þar er komið nýtt fólk sem gæti mögulega starfað öðruvísi en fyrirrennararnir. En ég er skíthræddur við það að Framsóknarflokkurinn skuli vera kominn til valda. Ég treysti ekki flokknum. Kannski vegna þess að ég þekki hann ekki. Það er eðlilegt að óttast það sem maður þekkir ekki. Auðvitað fer Framsóknarflokkurinn í stjórn með íhaldinu. Hitt yrði öllum þessum nýliðum í þingflokki Framsóknar of erfitt verkefni. Auk þess hef ég á tilfinningunni að Ásmundur Einar sé eini félagshyggjumaðurinn í þessum þingflokki. En tek það fram að það eru fordómar í mér að halda slíku fram því ég þekki ekki fólkið. Oddvitinn hér á Suðurlandi fékk fullt af atkvæðum vegna þess að fólk hefur trú á því hann muni verja hagsmuni sveitarinnar og standa fyrir kjördæmapoti. Það er alltaf vinsælt. Mér finnst það gamaldags aðferð í pólitík sem ætti að leggja af. Þrátt fyrir að ég þekki persónulega stjórnmálamenn eins og Möllerinn og Einar Kristinn sem hafa verið duglegir að vinna fyrir sitt kjördæmi og hafa vissulega náð mörgu fram með þvílíku poti og oft hefur það leitt til framfara. En þetta er ekki heiðarlegt. Allt ætti að vera uppi á borðum og öllum sýnilegt. Nú veit ég ekki hvort oddvitinn hér ætli að vinna svona, eða hvort hann hefur lagt það í vana sinn yfirleitt. Ég vona að hann geri það ekki. Ég óska Framsóknarflokknum velfarnaðar á komandi kjörtímabili. Megi hann halda tiltektinni áfram og vinna Íslandi og Íslendingum öllum gagn.
 
Fréttir af mér og fólkinu mínu

Myndin mín
Nafn:
Staðsetning: Akureyri

Bolvíkingur að heiman.

Söfn
08/01/2003 - 09/01/2003 / 09/01/2003 - 10/01/2003 / 10/01/2003 - 11/01/2003 / 11/01/2003 - 12/01/2003 / 12/01/2003 - 01/01/2004 / 01/01/2004 - 02/01/2004 / 02/01/2004 - 03/01/2004 / 03/01/2004 - 04/01/2004 / 04/01/2004 - 05/01/2004 / 05/01/2004 - 06/01/2004 / 06/01/2004 - 07/01/2004 / 07/01/2004 - 08/01/2004 / 08/01/2004 - 09/01/2004 / 09/01/2004 - 10/01/2004 / 10/01/2004 - 11/01/2004 / 11/01/2004 - 12/01/2004 / 12/01/2004 - 01/01/2005 / 01/01/2005 - 02/01/2005 / 02/01/2005 - 03/01/2005 / 03/01/2005 - 04/01/2005 / 04/01/2005 - 05/01/2005 / 05/01/2005 - 06/01/2005 / 06/01/2005 - 07/01/2005 / 07/01/2005 - 08/01/2005 / 08/01/2005 - 09/01/2005 / 09/01/2005 - 10/01/2005 / 10/01/2005 - 11/01/2005 / 11/01/2005 - 12/01/2005 / 12/01/2005 - 01/01/2006 / 01/01/2006 - 02/01/2006 / 02/01/2006 - 03/01/2006 / 03/01/2006 - 04/01/2006 / 04/01/2006 - 05/01/2006 / 05/01/2006 - 06/01/2006 / 06/01/2006 - 07/01/2006 / 07/01/2006 - 08/01/2006 / 08/01/2006 - 09/01/2006 / 09/01/2006 - 10/01/2006 / 10/01/2006 - 11/01/2006 / 11/01/2006 - 12/01/2006 / 12/01/2006 - 01/01/2007 / 01/01/2007 - 02/01/2007 / 02/01/2007 - 03/01/2007 / 03/01/2007 - 04/01/2007 / 04/01/2007 - 05/01/2007 / 05/01/2007 - 06/01/2007 / 06/01/2007 - 07/01/2007 / 07/01/2007 - 08/01/2007 / 08/01/2007 - 09/01/2007 / 09/01/2007 - 10/01/2007 / 10/01/2007 - 11/01/2007 / 11/01/2007 - 12/01/2007 / 12/01/2007 - 01/01/2008 / 01/01/2008 - 02/01/2008 / 02/01/2008 - 03/01/2008 / 03/01/2008 - 04/01/2008 / 04/01/2008 - 05/01/2008 / 05/01/2008 - 06/01/2008 / 06/01/2008 - 07/01/2008 / 07/01/2008 - 08/01/2008 / 08/01/2008 - 09/01/2008 / 09/01/2008 - 10/01/2008 / 10/01/2008 - 11/01/2008 / 11/01/2008 - 12/01/2008 / 12/01/2008 - 01/01/2009 / 01/01/2009 - 02/01/2009 / 02/01/2009 - 03/01/2009 / 03/01/2009 - 04/01/2009 / 04/01/2009 - 05/01/2009 / 05/01/2009 - 06/01/2009 / 06/01/2009 - 07/01/2009 / 07/01/2009 - 08/01/2009 / 08/01/2009 - 09/01/2009 / 09/01/2009 - 10/01/2009 / 10/01/2009 - 11/01/2009 / 11/01/2009 - 12/01/2009 / 12/01/2009 - 01/01/2010 / 01/01/2010 - 02/01/2010 / 02/01/2010 - 03/01/2010 / 03/01/2010 - 04/01/2010 / 04/01/2010 - 05/01/2010 / 05/01/2010 - 06/01/2010 / 06/01/2010 - 07/01/2010 / 07/01/2010 - 08/01/2010 / 08/01/2010 - 09/01/2010 / 09/01/2010 - 10/01/2010 / 10/01/2010 - 11/01/2010 / 01/01/2011 - 02/01/2011 / 03/01/2011 - 04/01/2011 / 04/01/2011 - 05/01/2011 / 05/01/2011 - 06/01/2011 / 06/01/2011 - 07/01/2011 / 07/01/2011 - 08/01/2011 / 08/01/2011 - 09/01/2011 / 02/01/2012 - 03/01/2012 / 07/01/2012 - 08/01/2012 / 01/01/2013 - 02/01/2013 / 02/01/2013 - 03/01/2013 / 05/01/2013 - 06/01/2013 / 09/01/2013 - 10/01/2013 / 06/01/2014 - 07/01/2014 / 07/01/2014 - 08/01/2014 / 09/01/2014 - 10/01/2014 / 10/01/2014 - 11/01/2014 / 11/01/2014 - 12/01/2014 / 02/01/2015 - 03/01/2015 / 07/01/2015 - 08/01/2015 / 10/01/2015 - 11/01/2015 / 12/01/2015 - 01/01/2016 / 09/01/2017 - 10/01/2017 / 10/01/2017 - 11/01/2017 /

  • Gréta mín
  • Myndasíða fjölskyldunnar
  • Víkari.is
  • Bæjarins besta
  • Heiðrún Hámundar
  • Kristján Jóns
  • Baggalútur
  • Palli Skúla
  • Sælands
  • Mandolin Symposium
  • Mugison
  • Lög og textar á íslensku
  • Lög og textar á útlensku
  • Bolungavík
  • Kriss Rokk
  • Naustaskóli

    Powered by Blogger

    Gerast áskrifandi að
    Færslur [Atom]