Hver er Víkarinn?
Það var eins gott að ég færði þessa getraun ekki strax til bókar því það rann skyndilega upp fyrir mér í dag meðan ég íhugaði hvaða vísbendingar ég gæti gefið upp að ég var að hugsa um stóra bróður þessa Víkara sem ég hitti. Ég var ekki með réttan mann í kollinum. Kexruglaður stundum!
En nú er þetta komið á hreint. Gaurinn var þarna í brúðkaupsveislunni þar sem ég var að spila fyrir dansi. Hann á stóran bróður og litla systur, alveg eins og ég. Konuna hans þekkja margir Víkarar, m.a. mamma, en ég þekki hana nú ekki, en ég heilsaði henni nú samt því ég veit vel hver hún er og mamma þekkir hana svo ágætlega. Brúðhjónin munu hafa kynnst í ferð sem farin var héðan að norðan til að vera við brúðkaup þessa Víkara sem hér er spurt um og það mun hafa farið fram fyrir vestan. Nú get ég ekki gefið meira uppi strax.
Hver er Víkarinn?