Hver er Víkarinn? - vangaveltur og bakþankar
Jú, jú.... Ráðhildur nágranni minn hér á Akureyri hafði rétta svarið. Þetta voru auðvitað Oddný og Gunnar sem ég spurði um síðast Ragna Magnúsar hafði líka svarað í gegnum Facebook og ég tók svar hennar líka gilt því athugasemdakerfið hér hefur verið að stríða sumum og það geta ekki allir skilað inn athugasemdum, einhverra hluta vegna.
Um vísbendingarnar: Gunnar kenndi okkur Grétu á bíl fyrir mörgum árum (og auðvitað mörgum öðrum), þau hjónin ráku Shell-skálann og Sibba Gunnars á mann sem þurfti að bera uppnefnið Halli he he vegna þess að æskuvinum hans á Ísafirði fannst hann hlæja eitthvað skemmtilega. Ég veit vel hver hann er þessi Halli en minnist þess nú ekki að hafa heyrt hann hlæja, en uppnefnið hefur mér alltaf þótt skemmtilegt.
Auðvitað eru uppnefni ægilega ljót en í umhverfi okkar sem ölumst upp í smábæjum eru þau hluti af hversdagsleikanum; krydd í tlveruna og geta einmitt verið svolítið skemmtileg. En þau hljóta nú samt að geta verið sár fyrir þá sem þurfa að bera þau, því stundum eru þau ægilega nastý.
Ég hitti tvo Víkara í gærkvöldi. Þeir voru gestir í veislu þar sem ég var að spila. Ég hef spurt um annan þeirra hér en hinn lendir nú í því.