Af krökkunum
Hringur var að læra að hjóla án hjálpardekkjanna í fyrradag. Hákon stóri bróðir hjálpaði honum af stað og síðan hefur hann verið algjörlega sjálfbjarga í þessu. Hann er búinn að hjóla marga metrana í dag. Vá, maður!
Perla María rúllar um á línuskautum sem Halldóra gaf henni.
Hákon er í Vestmannaeyjum að keppa í handbolta með KA. Hann hringdi þegar hann var kominn á flot með Herjólfi. Þá var hann mjög spenntur fyrir sjóferðinni. Hann hringdi svo aftur þegar hann var kominn í land í Eyjum. Hann hafði verið þónokkuð sjóveikur og leist ekkert á að vera að fara að spila fyrsta leikinn fljótlega eftir þessa hræðilegu sjóferð. Mikið skil ég hann vel. Ég er svo sjóveikur að ferð með Akraborginni forðum gat verið mér erfið og einu sinni, það var í hitteðfyrra, varð ég hér um bil sjóveikur á rennisléttu Djúpinu í einmunablíðu í skemmtisiglingu með Þorláki á sjómannadegi.