Ekki er öll vitleysan...
Ég fór út á lífið í Reykjavík í nótt og var þar fram á morgun. Ekki get ég nú sagt að næturlíf höfðuborgarinnar hafi heillað mig. En ég var í góðum félagsskap og þá er nú sama hvar maður er staddur. Einn félaganna skemmti okkur hinum í bílnum á leiðinni frá Grafarholti og niður í miðbæ með söngvum sem hann spann á staðnum. Eins og gefur að skilja var þetta ekki svo stórkostlegur kveðskapur að ég muni úr honum margt. En rétt í þessu, þegar ég fletti Fréttablaðinu frá í gær, sá ég mynd af þingmanni Reykvíkinga, Ögmundi Jónassyni. Þá mundi ég þessar línur úr einum söngva næturinnar:
Ögmundur Jónasson
ber á sig body-lotion.