Gamla árið kvatt í kvöld
Hákon er orðinn mjög spenntur fyrir kvöldinu í kvöld. Hann ætlar að sprengja kínverja og skotblys. Það er mánuður síðan hann tilkynnti mér að nú væri hann orðinn nógu gamall til að mega það. Við sjáum til með það. Hann er óheppinn með það hversu faðir hans er áhugalaus um sprengingar. Við reynum að bæta honum það upp með því að bjóða til okkar sprengjumanni í kvöld.
Ég var að leggja ís í frystinn sem ég var að enda við að gera. Andabringurnar bíða þess að ég skeri í þær og kryddi, en humarinn verður eitthvað lengur í frystinum. Það verður veisla.