Teitur gleymist
Það eru miklar umræður um það út um allt og skrifaðar um það greinar í blöðin að nú sé kominn tími til að ráða nýjan mann í stöðu landsliðsþjálfara. Þá eru nefndir til sögunnar hinir ýmsu þjálfarar. Einn sá sem ég hefði haldið að væri góður í starfið hefur aldrei verið nefndur á nafn. En það er Teitur Þórðarson. Hann náði góðum árangri með KR liðið í fyrra. Hann hefur menntun og gríðarlega reynslu sem þjálfari og áður sem leikmaður. Hann virkar þannig á mann að hann sé fær í sínu fagi. Hann náði reyndar engum árangri nú í sumar, en það var nú svo lélegt að það getur nú ekki hafa verið honum einum að kenna hvernig komið var fyrir KR liðinu. Ég vona að hann verði alla vega inni í myndinni þegar þjálfarinn verður ráðinn. Það verður náttúrlega ekki farið út í að endurráða þann sem stjórnar liðinu núna. Hans tími er liðinn, alla vega í bili.