Um fótboltalandsliðið
Guðjón Þórðarson segir á vefsíðu ÍA að honum finnist að Bjarni Guðjónsson, leikmaður ÍA, eigi að vera í landsliðshópi Íslands sem mætir Spánverjum og N-Írum á næstu dögum. Þar er ég sammála Guðjóni. Og ég sakna líka Stefáns Gíslasonar úr hópnum.
En það verður spennandi að sjá hvort nýliðinn Ágeir Gunnar úr FH fái tækifæri í þessum leikjum. Ég hef lítið séð til hans en hann skorar mikið og það eru oft mörk þar sem hann er fyrstur á boltann þar sem hann dettur einhversstaðar dauður í teignum. Leikmaður sem hefur nef fyrir þessu á að vera í landsliði, jafnvel þótt hann geti lítið annað. Við þurfum ekki nema að nýta okkur einn svona séns til að vinna Spánverja.