Göngutúrinn
Já ég fékk mér göngutúr í góða veðrinu á laugardagskvöldið. Niður við Akraborgarbryggju var mikill mannfjöldi að skemmta sér. Það kostaði 200 kr. inn á svæðið svo þangað leit ég nú ekki inn en fyrir utan var töluverður fjöldi fólks. Þar voru náttúrulega margir af þeim krökkum sem ég hef verið að kenna og meira að segja nokkrir af "mínum krökkum". það var ekki alveg félagsskapurinn sem ég hefði valið mér til að skemmta mér með við þessar aðstæður. ég tók strikið heim og sofnaði snemma.
Á sunnudaginn fór ég svo í bíltúr til systkina Grétu en þau voru í Skorradal í sumarhúsi. Þaðan fór ég í Borgarnes og hitti Lalla frænda minn og Hugrúnu og stelpurnar þeirra. Það fór náttúrulega þannig að eina máltíð fékk ég í Skorradal og aðra í Borgarnesi þannig að ekki fór mikið fyrir eldamennskunni eða innkaupum þessa helgina!
Kveðja,
Kalli