Nýjasta nýtt
Jæja, þarf þetta endilega að vera DAGbók þetta blogg?
Mér finnst það reyndar skemmtilegra hjá þeim sem ég þekki og standa í þessum skrifum að þeir geri það daglega. Á ég þá ekki að gera sömu kröfur til sjálfs míns? Annars er ástæðan fyrir því að ég hef ekkert skrifuð sú að ég kunni ekki að "sign in" til þess. Slakt!
Annars var ég að pæla í blogginu í gær. Því það er svolítið sérstakt að maður er að skrifa handa fólki sem maður þekkir en hittir ekki oft; svona fréttabréf af sér. Eða að maður tilheyrir einhverjum hópi sem hefur skoðanaskipti með þessum hætti og notar miðilinn þannig skemmtilega. Ég er nú ekki í þannig félagskap. Í það minnsta er nokkuð víst að það les enginn blogg hjá einhverjum sem hann kann engin deili á. Þess vegna er þetta blogg, eins og önnur blogg, án upphafs. Lesendur þess, hingað til bara mamma og Halldóra, þurfa enga kynningu - þær þekkja mig og Grétu og krakkana. Bara að pæla.
Á morgun spila Skagamenn við Val. Maður er í nettri klemmu.
Afreksmaður gærdagsins er ég sjálfur. Því gærdagurinn var einn af þessum erfiðu dögum þegar mjög mikið er að gera og öll verkefnin lentu á mér. Veðrið í dag er frábært og ég hef varla komist út úr húsi. En nú er ég farinn.