Gilli í eldhúsinu - ekki alveg Ég hafði skrifað áðan að ég væri að fara í mat til Gilla á Sólbakka. Það er náttúrulega frekar óvarlegt orðaval því yfirleitt kemur hann ekki nálægt matargerðinni. Þóra sér um þá hlið og kann það betur en margur annar. Það er alltaf gott að heimsækja hana! (ég verð að skjalla hana svolítið hérna því ég var að gefa henni upp veffangið af tilraunavefnum)

Afreksmaður gærdagsins verður bara að vera Gunnar Haukur. Hann vann ekkert stórkostlegt afrek samt. En ég meina þarf þess. Mamma hringdi áðan til að reyna að tryggja sér nafnbótina fyrir daginn í dag vegna þes hún hafði tekið til í þvottahúsinu hjá sér! En Gunnar Haukur mælti með góðri mynd handa mér þegar ég hitti hann á vídeóleigunni. Það var Pianist um pólskan tónlistarmann í stríðinu. Mjög góð mynd. Svo tók ég The Commintments með því Muggi hafði svarað því í BB að hún væri í uppáhaldi hjá sér. Ég horfði náttúrulega ekki á hana en það var tilboð í gangi um að fá gamla spólu frítt með þeirri nýju.

Jæja það stendur sundferð fyrir dyrum hjá okkur feðgunum. Best að drífa sig.  ¶ 4:12 e.h.