Hver er Víkarinn?

Þessi ætti að vera svolítið erfiður. Ekki einu sinni mamma gæti verið viss!

Ég hitti þennan Víkara hér á Akureyri í gærkvöldi. Hann á ekki heima hér og heldur ekki fyrir vestan. Þangað kom hann hins vegar oft þegar hann var ungur. Og var töluvert í kringum fólk sem ég umgekkst mikið á mínum æskuárum. Báðir foreldrar hans eru bornir og barnfæddir Bolvíkingar og skyldmenni hans í Víkinni eru mörg - í báðar ættir. Þeirra á meðal eru frændsystkini mín frá Miðdal, Maggi og Belli, Einar Ben, Gummi Bjarni og Svala og Víðir Jóns.

Hann hefur unnið í frystihúsinu heima í Bolungavík og ég hef rekist af myndir af honum í blöðunum og á Netinu þar sem hann er fulltrúi þess fyrirtækis sem hann starfar hjá núna.

Hann er eldri en ég. Samkvæmt Íslendingabók koma ættir okkar ekki saman fyrr en í hjónunum Brynjúlfi Jónssyni og Guðrúnu Bjarnadóttur. Þau fæddust um miðja 18.öld og bjuggu lengst af í Botni í Súgandafirði. Hjálpar það einhverjum?

Hver er Víkarinn?