Sumargetraun tónlistarunnendanna

Þetta er vísbendingaspurning. 1. vísbending:

Spurt er um íslenskt dægurlag frá níunda áratug síðustu aldar.
Lagið kom fyrst út á plötu með dúett. Platan er eina plata dúettsins. Í heiti plötunnar eru tvö atviksorð og samtenging.
Lagið varð vinsælt. Vinsælasta lag plötunnar. Viðlagið er grípandi og textinn sniðugur. Viðlagið heyrist tvisvar í þessari frumútgáfu lagsins. Tóntegundin er A dúr.
Skráður höfundur lagsins er gítarleikari, en í þessu lagið leikur hann á bassann, Björn Thoroddsen á gítar, Ásgeir Óskarsson á trommur. Dúettinn syngur viðlagið saman í nokkrum röddum.
Bæði gítarleikurinn og bassaleikurinn í laginu er afskaplega skemmtilega útfærður.
Ég hef heyrt höfundinn segja frá því í viðtali að lag þetta hafi orðið til á Ísafirði, nánar tiltekið á Hótel Mánakaffi.