Hún heitir tveimur nöfnum. Síðara nafnið hafði ég aldrei séð eða heyrt fyrr en ég fletti henni upp í Íslendingabók. Jú, vissulega þekki ég nafnið, það er algengt nafn. En ég vissi bara ekki að hún bæri það. Á Íslendingabók sá ég líka að afi hennar, sem ég man eftir á Mölunum í Víkinni þegar ég var púki, heitir líka tveimur nöfnum. Hann var ekki þekktur undir fyrra skírnarnafni sínu. Alltaf kallaður seinna nafninu. Hann var norðan af Ströndum.
Hún er yngri en ég. Á afmæli fyrsta dag mánaðar, eins og ég. Hún á alla vega eitt barn. Kannski fleiri, ég held samt ekki.
Í húsinu þar sem hún ólst upp eru tvær íbúðir. Það stendur töluvert innar í bænum en Holtastígur. Frænkan sem ég minntist á í fyrri vísbendingunni átti aftur á móti heima í húsi sem stendur örlítið utan við Holtastíginn. Það hús sést út um eldhúsgluggann á Holtastíg 12.
Hver er Víkarinn?
Hún á tvö börn ;)
SvaraEyðaKH
Ég ætla að giska á Gunnu Dóru (heitir hún ekki það annars?) hans Villa á Hreggnasanum.
SvaraEyðakv.erla k
Þakka þér fyrir að vera með. Þetta er ekki rétt svar. Reyndu betur og þið hin líka.
SvaraEyðaHmm, það eru nú ekki svo mörg hús í Víkinni sem eru með tveimur íbúðum og skv. vísbendingunni getur maður tekið Bakkana frá. Þá ætla ég að færa mig á Grundirnar og giska á dóttur hennar Lilló. Mig minnir að hún heiti Ragnheiður Arna.
SvaraEyðakv.erla k
Rétt!
SvaraEyðaFrænkan er svo náttúrulega Laufey Karls og afi þeirra beggja Sölvi.
SvaraEyðaÉg var að mála í veksmiðjunni eitt sumarið og vann þá svolítið með Arnari pabba Ragnheiðar. Þá fór hann að tala um það við mig að hann spilaði á nikku.
Ekki datt mér þetta í hug :) Er alltaf svo lengi að kveikja í þessum leik.
SvaraEyða