miðvikudagur, ágúst 22
Skólabyrjun
Þá eru komnir nemendur í skólann. Hákon kominn í 5. bekk. Perla María er 5 ára og verður í skólahópi í leikskólanum. Sá hópur kemur í grunnskólann einu sinni í viku í vetur og verður í tímum þar. Það er verið að venja börnin við herlegheitin. Hákon ætlar að halda áfram í hljóðfæranámi í Tónlistarskólanum, en hann mun skipta úr Suzuki-aðferðinni yfir í hina hefðbundnu leið. Perla María ætlar svo að byrja í Suzuki. Þau verða bæði á fiðlu. Ég verð að kenna tónmennt, bæði hér í Reykholti og að Laugarvatni. Gréta verður að kenna í leikskólanum. Hún hefur bætt við sig vinnu frá í fyrra. Verður fyrir hádegið alla daga og svo tvo heila daga. Svo verður hún áfram að sinna myndlistinni í bílskúrnum.
Gátu blessuð börnin ekki fundið sér eitthvað annað en fiðlu? Hljóðfærið það er svo ofboðslega erfitt að hlýða á í æfingaprósess byrjenda.
SvaraEyðaTaugar mínar og músíkalitet verða sem þaninn fiðlustrengur við tilhugsunina.
Það var nógu erfitt að hlýða á endalausar skalaæfingar á selló og þverflautu hjá fyrrum sambýliskonum. :)
Nei, nei - raus er þetta í mér. Þetta er allt saman gott og blessað. :)
ÞAÐ ER EKKI TIL BETRA HLJÓÐFÆRI TIL AÐ ÞJÁLFA TÓNEYRAÐ.
SvaraEyðaÞað er reyndar rétt hjá þér, Kalli minn.
SvaraEyðaJú, básúna er líka ansi góð til að þjálfa tóneyrað....
SvaraEyða... en það er ekkert að marka mig, ég vil gera alla að lúðrasveitanördum;o)
Snorri byrjaði nú á fiðlu á sínum tíma og það var eiginlega alls ekki eins slæmt og ætla mætti.
Gangi ykkur vel í vetur kæra fjölskylda. Þið hafið greinilega nóg fyrir stafni..
Bestu kveðjur,
Heiðrún Hámundar